बजार

तपाई ‘म्युचअल फण्ड’ मा लगानी गर्न चाहानु हुन्छ -: दुई अर्ब रुपैयाँ बराबरको म्युचअल फण्ड बजारमा आउदै


शेयर बजारमा सामूहिक लगानीका लागि महत्वपूर्ण संयन्त्रका रुपमा रहेको सामूहिक लगानी कोष योजना (म्युचअल फण्ड) अन्तर्गत थप दुई बैङ्कले दुई अर्ब रुपैयाँ बराबरको २० करोड इकाइ बिक्री गर्ने तयारी गरेका छन् ।

नेपाल धितोपत्र बोर्डका अनुसार ग्लोबल आइएमई बैङ्कले प्रवद्र्धन गर्न लागेको ‘ग्लोबल आइएमई ब्यालेन्स फण्ड–१’ र लक्ष्मी बैङ्कले प्रवद्र्धन गर्ने ‘लक्ष्मी उन्नति कोष’ बिक्रीका लागि तयारी गरिएको हो ।

बोर्डमा छलफलका क्रममा रहेका ती योजनाअनुसार ‘ग्लोबल आइएमई म्युचुअल फण्ड’ अन्तर्गत एक अर्ब २० करोड बराबरको १२ करोड इकाइ बिक्री गरिनेछ। त्यस्तै ‘लक्ष्मी म्युचुअल फण्ड’अन्तर्गत ८० करोड बराबरको आठ करोड इकाइ बिक्री गर्न धितोपत्र बोर्डको अनुमतिको पर्खामा रहेका छन्।

बोर्डले गत भदौ २३ गतेमात्रै सनराइज बैङ्कले प्रवद्र्धन गरेको ‘सनराइज फस्ट म्युचुअल फण्ड’ योजनाअन्तर्गत एक अर्ब बराबरको १० करोड इकाई बिक्री गर्नका लागि स्वीकृति दिएको छ। असोज ८ गते बुधबारदेखि ‘सनराइज फस्टको इकाईमा आवेदन खुला हुनेछ ।

नेपाल स्टक एक्सचेन्जमा हाल १७ वटा सामूहिक लगानी कोष योजना सूचीकृत छन् । शेयर बजार निरन्तर ओरालो लागेका कारण अधिकांश योजनाको प्रतिइकाइ मूल्य आधारभूत मूल्यभन्दा कम रहेको छ ।

स्टकमा सूचीकृतमध्ये नबिल ब्यालेन्स फण्ड–१ को प्रतिइकाइ मूल्य १६.६५, सिद्धार्थ इक्विटी ओरियन्टेड स्किमको प्रतिइकाइ रु १०.८५ र सिद्धार्थ इन्भेष्टमेन्ट ग्रोथ स्किम–१ को प्रतिइकाइ मूल्य २०.०९ रहेको छ

Leave a Reply

Your email address will not be published. Required fields are marked *