बैंक तथा बिमा समाचार

बैंक तथा बितिय सस्थालाइ अर्थमन्त्रिको चेतावनी – बचतकर्ताको निक्षेपमा खेलवाड नगर्नुस ।

काठमाडौं । अर्थमन्त्रि युवराज खतिवडाले बचत कर्ताको निक्षेपमा खेलवाड नगर्न राष्ट्रिय बाणिज्य बैंकलाई सचेत गराउनु भएको छ । राष्ट्रिय बाणिज्य बैंकको १४ वटा शाखाहरुको एकै पटक उद्घाटन गर्ने कार्यक्रममा बोल्दै अर्थमन्त्री खतिवडाले बैंकले बचत कर्तालाई न्याय दिन निक्षेपमा खेलवाड नगर्न सचेत गराउनु भएको हो ।

अर्थमन्त्री खतिवडाले राष्ट्रिय बाणिज्य बैंकको आधार दर सबै बाणिज्य बैंकको तुलनामा कम रहेको प्रति अचम्म मान्दै यसलाई निक्षेप कर्ता माथिको खेलबाड भएको बताउनु भएको हो । बैंकहरुमा आउने तरलताको संकट पनि बचत कर्ताको निक्षेप माथिको अन्यायले गर्दा आउने भएकोले आधार दर बढाएर न्याय गर्न निर्देशन दिनुभयो ।

कार्यक्रममा अर्थमन्त्री खतिवडाले बैंकिंग कार्यक्रमहरु संचालन गर्दा समय समयमा मध्यकालीन योजना ल्याएर परिमार्जन गर्न सुझाव दिनु भयो । बैंक स्वायत्त संस्था भएकाले जिम्मेवारी र जवाफदेहि बन्न पनि अर्थमन्त्रीले आग्रह गर्नुभयो । बैंकले गर्ने काम कारबाही बारे संसदमा प्रश्न उठ्दा अर्थमन्त्रीले जवाफ दिनु पर्ने भन्दै राष्ट्रिय बाणिज्य बैंकले आफ्नो स्वयत्ततालाई जिम्मेवारी पुर्वक निर्वाह गर्न आग्रह गर्नु भयो ।

कार्यक्रममा अर्थमन्त्रि खतिवडाले प्रदेश १ मा २, प्रदेश २ मा ५, प्रदेश ३ मा २, गण्डकी प्रदेशमा १ र प्रदेश ५ मा १ वटा बाणिज्य बैंकका शाखाहरुको उद्घाटन गर्नु भएको छ । शाखा विस्तारसँगै राष्ट्रिय बाणिज्य बैंक मुलुकका सबै ७७ जिल्लामा पुग्ने पहिलो बैंक बनेको छ । थपिएका शाखासहित बैंकको कुल शाखा संख्या २३६ पुगेको छ ।

Leave a Reply

Your email address will not be published. Required fields are marked *